25/out/2019
O Concello de Ames, a través do Servizo de Normalización Lingüística e do Departamento de Promoción Económica, convoca a segunda edición do Premio Lingua e Empresa Concello de Ames. O obxectivo do premio é recoñecer o uso e fomento da lingua galega na actividade empresarial e promover o uso do galego na actividade económica do Concello de Ames.
01/out/2019
A Asociación Galega de Profesionais da Tradución e da Interpretación (AGPTI) anunciou onte, 30 de setembro, Día Internacional da Tradución, a entidade recoñecida co II Premio Xela Arias: a Facultade de Filoloxía e Tradución da Universidade de Vigo.
23/set/2019
O pasado sábado, o Pazo da Cultura de Pontevedra acolleu o acto de entrega dos Premios Mil Primaveras, convocados pola CTNL coa colaboración da Deputación Provincial de Pontevedra e o Concello de Pontevedra.
18/set/2019
O reitor da USC, Antonio López, entregou o pasado luns o II Premio Luís Porteiro Garea destinado a recoñecer a promoción e uso do galego na USC ao profesor emérito e catedrático de Dereito Mercantil Xosé Antón Gómez Segade.
12/set/2019
O 21 de setembro ás 11.30 horas terá lugar na Sala de Congresos do Pazo da Cultura de Pontevedra o acto de entrega dos Premios Mil Primaveras. Para este acto a CTNL conta coa colaboración, como anfitrión, do Concello de Pontevedra e coa axuda económica da Deputación Provincial de Pontevedra.
04/set/2019
A Asociación Galega de Profesionais da Tradución e da Interpretación (AGPTI) convoca a segunda edición do Premio Xela Arias, que recoñece empresas, entidades ou persoas que destaquen pola promoción da tradución ou da interpretación cara a ou desde o galego.
05/ago/2019
Xa se poden consultar no web os proxectos recoñecidos na primeira edición dos Premios Mil Primaveras: Modelo Burela (como proxecto estabilizado), Falemos de ti e min (como proxecto novo), Desafío 48 h (pola súa comunicación e impacto), Youtubeir@s (como proxecto máis innovador), Eu presumo de galego (como proxecto destinado á mocidade) e GCiencia (como proxecto dun ámbito sectorial).
09/xul/2019
O Concello de Ponteareas crea o Premio "Ponteareas, lingua e empresa", para recoñecer e promover o uso do galego no ámbito empresarial.
26/xuñ/2019
Modelo Burela (como proxecto estabilizado), Falemos de ti e min (como proxecto novo), Desafío 48 h (pola súa comunicación e impacto), Youtubeir@s (como programa máis innovador), Eu presumo de galego (como proxecto destinado á mocidade) e GCiencia (como proxecto dun ámbito sectorial) son os primeiros Premios Mil Primaveras a proxectos de posta en valor e fomento do galego.
20/xuñ/2019
O Premio Rosalia de Castro de Lingua na súa décima edición recoñeceu o portal xornalístico de divulgación científica GCiencia (categoría xeral) e o proxecto 21 Días co Galego, agora ampliado a 21 Días co Galego e máis (categoría de traballo específico coa infancia e a mocidade).