A edición de 2024 dos Premios Mil Primaveras recoñeceu catro novos proxectos de normalización lingüística: Brazolinda (unha iniciativa empresarial de creación de xogos en galego), Galego para peques (un proxecto audiovisual dirixido á primeira infancia), Modo galego, actívao! (un programa integral de dinamización lingüística en diferentes ámbitos) e Vitamina G (unha iniciativa educativa co galego como factor de integración e cohesión social).

O venres pasado acabou o prazo para presentar proxectos, campañas, accións ou programas de normalización lingüística á edición de 2024 dos Premios Mil Primaveras a proxectos de posta en valor e fomento do galego. Inscribíronse un total de 36 candidaturas de servizos de normalización lingüística, equipos de normalización e dinamización da lingua galega de centros educativos, asociacións e outras entidades.

O 16 de xaneiro tivo lugar en Teo o acto de entrega dos IV Premios Alfredo Iglesias, promovidos por Álex Regueiro, impulsor da revista Coralia. Entre as dezanove persoas e colectivos premiados, os Premios Mil Primaveras foron recoñecidos como iniciativa de promoción da lingua.